صوت الجماهير : رأي الأهلاوية بعد هزيمة اورلاندو

في هذا الباب ننقل لكم نبض جماهير النادي الأهلي على المواقع الرياضية المختلفة من خلال التعليقات و من هلال مواقع التواصل الاجتماعي حتى يصل صوت الجماهير الى ادارة النادي و الجهاز الفني اذا بقى !!!!!

الرأي الأول على موقع يلاكورة you luck

الواضح دلوقتى فى النادى الاهلى هو ان الكابتن فتحى مبروك بيعاند ادارة النادى فى بعض اللاعبين كلنا شوفنا امبارح ايفونا وانطوى والفرق بين الاتنين مين الافضل؟ ومين اللى يبدا لو الاتنين جاهزين ؟ طيب ليه منبداش بالاتنين مع بعض؟ طيب هو ليه احمد فتحى بيلعب فى نص الملعب مع البطىء الملحوظ من مباراتين فى نقل الهجمة؟ طيب على كده بقا احمد فتحى بيلعب فى نص الملعب احسن من صالح جمعة؟ ايه ده كمان صالح جمعة لما نزل امبارح اثبت انه احسن واحد يكون موجود فى الملعب علشان ينقل الهجمة بسرعه وده نحط حوالية مليون علامة استفهام صالح جمعة مبدأش ماتش الزمالك واحمد فتحى بدا ومع ذلك ظهر ان احمد فتحى مبيعرفش يادى كويس فى الحتة ديه ونيجى نلعبه تانى فى نفس المكان؟ طيب هو الكابتن فتحى مبروك بيعاند مين بالظبط؟ نفسه والا عاوز يثبت ان اللاعبين الموجودين بيادوا احسن من الثفقات الجديدة والا بيعاند مجلس الإدارة ؟
احنا كلنا شوفنا امبارح ايفونا لما نزل وقدرته على انه يخلق فرص لنفسه وده يرجع لسرعته انا مش بقلل من جون انطوى انا بس بقول ان اصلا الاهلى مينفعش يبدا راس حربة واحد ولو هيبدا براس حربة واحد يبقى ايفونا .
انا قبل كده قلت ان كابتن فتحى مبروك لا يصلح لتدريب النادى الاهلى وده مش تقليل فى كفائة بس علشان الاهلى مينفعش يبقى فيه مجاملات على حساب النتائج اللى النادجى بيحققها مثال عبد الله السعيد رمضان صبحى!!! راى حضراتكم دول كانوا امبارح يستاهلوا انهم يكملوا الماتس؟

محمود مكي مدرس في الأزهر

فتحى مبروك هو ” الرجل المنقذ” فقط وليس المدرب الدائم فليرحل فتحى مبروك ويأتى مدرب اجنبى يكون قوى وليس كسابقيه مثل جاريدو احنا عايزين “نسخه من جوزيه” كما نريد أيضا باك شمال قوى مثل “جليبرتو” وايضا ارى ان عودة “أحمد فتحى” “مليهاش لازمه” لانه لايستطيع ان يعمل كروس مظبوط فى الهجوم ولاعيبة الاهلى خلونا” شمتوا ابله طازه فينا ” كلمة اخيره انا فرحان لهزيمة الاهلى من الزمالك واورلاندو لان لابد محمود طاهر وادراته التى لاتفهم كوره ان تغير المدرب فورا . واتمنى رجوع مجلس “حسن حمدى وبيبو ” لانهم فاهمين كوره و”عودونا على البطولات والانتصارات” فاحنا مش قادرين نستحملوا الهزيمه لاننا للاسف “متعودناش عليها ”

ابراهيم صلاح الدين جمعه مدرسة الدلتا الدولية للغات

المشكلة أن اللاعب المصري مصري زي أي مصري ،،، يجب معاملته بإحتراف أجاد يكافأ ،،، أساء يعاقب و يعامل بالقطعة ليس بمجمل الأداء في الموسم أو التاريخ و الرصيد السابقة …. فتحي مبروك يلعب و هو عارف أنه ماشي ماشي لأن تاريخ الأهلي بيقول إن لازم تاريخ الأهلي و بطولاته يكتبها مدربين أجانب ليس لأنهم أكفأ لالالالالا و لكنهم يتعاملون باحترافية مع الكل و أولهم إدارة النادي. هناك لاعبون يلعبون لمجرد التاريخ و يروحوا و يرجعوا ليه؟ الله أعلم … هنا أتكلم عن أحمد فتحي و حسام غالي ……. اللاعب يعلم أن عقده ممتد لأخر الموسم على الأقل أما المدرب فأنت ممكن تجيب مدرب لكل ماتش….. رفقا بجماهير الأهلي… أعطوا الفرصة لفتحي مبروك بجهاز معاون محترم و عقد ملزم لنهاية الموسم القادم … كأي مدرب أجنبي ممكن ييجي زي البطيخة ما نعرفش طعمه الا بعد فوات الأوان….

احمد ادهم

اللى انا شايفه ان اللاعيبة مش عايزة فتحى مبروك ونفس البطىء ونفس تضيع الهجمات وعند دخول منطقة الجزء اللاعب مش عايز يمرر الكورة صح او يشوطها صح وفى انانية واضحة والكلام دا كان ظاهر مع جاريدو قبل ما يمشى 
توقعى فتحى مبروك هيمشى وهنبدا فى دوامة زى الزمالك بكل يوم مدرب شكل

اربعة اراء مختلفة في رأيكم من هو الأصح و ما السيناريو المطروح في المستقبل القريب مع ضغط المباريات