الأهلي يخسر دوري الأبطال و كارتيرون و عاشور على بيتهم

خسارة مستحقة و نقولها بكل تأكيد الأهلي يستحق الخسارة

خط وسط تائه صنع ثلاثة اهداف في الأهلي بقيادة عاشور

اعتبروا وليد ازارو  اتكسر و نزل صلاح محسن السريع المهاري اللي كان حيبهدل دفاع الترجي الضعيف كل ما يحاولوا يهاجموا الأهلي لكن منزل مروان محسن المحطة اولا خد هو كام كورة و لما خد كور عالية و عمل فيها محطة كان فين ميدو جابر و اسلام محارب الا في كرة وحيدة و اللي صنعها وليد سليمان اللي كان بيراقبه تلاتة برضه مش مروان محسن

اخطأ ناصر ماهر و لكنكم قتلتموه و فقدتم اليوم لاعب كان من الممكن ان يكون خير قوة للنادي الأهلي اليوم منكم لله

و لما مسئولو تليفزيون بلدك الأوساخ يسربون شريط لحرمان أفضل لاعبيك من المشاركة في النهائي كيف تفوز

و نجح الترجي و اتحاد الكرة التونسي في فرض التوتر و ضرب صفوف فريق الأهلي و ارهاب الاتحاد الافريقي و الحكام

الأهلي لا يستحق الفوز بالبطولة الافريقية

كارتيرون لا يستحق ان يتوج بلقب دوري الابطال

عندما لا تنجح في صنع هجمة واحدة طوال ٩٠ دقيقة

اقيلوا كارتيرون. من فضلكم تغييراته غبية و التشكيل سيّء للغاية و لا استراتيجية للعب طوال المباراة

تعاقدوا مع مدرب من فضلكم

لما اتغلبت خلاص و البطولة بتضيع نزل صانع الالعاب اللي عندك اللي انت قتلته اللي اسمه ناصر ماهر لانك مش عارف توصل اساسا فيخفف الضغط عن وليد سليمان ياخد لك فاول يجيب بنالتي مش تنزل وليد نيدفيد و توقف ساليف كوليبالي في الملعب يرفع كور بالونية و تلعب بيه صانع العاب طيب فين ايمن اشرف و محمد هاني طوال المباراة يا راجل خلينا ساكتين

حسام عاشور كفاية قوي كده ٣ اهداف من أخطاءه حرام  حرام حرام

اكرم توفيق عنده مشاكل و بيعمل فاولات طيب ما طارق حامد كده

اعطوهم فرصة عندكم ثلاثي اسمهم صالح جمعه احمد الشيخ عمرو بركات من احرف اللاعبين الموجودين في مصر و بتلعبوا بميدو جابر

طيب جرب الثلاثي ده و قعد لهم وليد سليمان على الخط ينزل الشوط الثاني على دفاعات مجهدة و تعبانة و حط قدامهم ازارو او صلاح محسن و شوف شكل هجومك حيبقى ايه عيب قوي الأهلي يقعد 90 دقيقة ما يعملش هجمة

خفضوا اعمار فريق الأهلي من فضلكم حرام عليكم

طبعا الثلاثي ده الأهلي حيستغنى عنهم ببلاش في يناير و بكرة تفتكروا كلامي

عندما لا يتقدم ايمن اشرف و محمد هاني لا تلعب بمروان محسن تلعب بلاعب اسمه صلاح محسن ده ملخص المباراة

لما تنكمش دفاعيا تلعب بصانع العاب سواء وليد سليمان او ناصر ماهر و تلعب بمهاجم سريع علشان تعرف تعمل الهجمة المرتدة بحرفية
لانك لا تهاجم و لا ترسل كرات عرضية يبقى انت بتظلم مروان محسن ذات نفسه و اسأل نفسك وصلته كام كورة
كان المفروض استغلال ضعف دفاع الترجي في غياب كوم و الزواوي

بدأ الأهلي ضاغطا و لكن بلا استراتيجية هجومية و ورويدا رويدا أعطى الاستحواذ للترجي و لما تدافع ٥٥ دقيقة و عندك دفاع مهتز يبقى اكيد حتغلط مرة او مرتين و لو ينقصك اهم خمس عناصر في الفريق يبقى لازم تلعب بذكاء كما لاعبك الوداد البيضاوي العام الماضي

ارهب لاعبو الترجي لاعبي الأهلي و منذ بداية المباراة الاولى في برج العرب  في حماية طاقمي حكام المباراتين  و لو اخذ لاعبو الترجي الإنذارات المستحقة في اللقائين لربما لم يستطع الترجي ان يكمل قائمته

بالفعل هناك لاعبون اقل بكثير من تطلعات جماهير النادي الأهلي

هل كريم نيدفيد الغائب منذ شهور هو الاختيار المناسب و انت مهزوم بهدفين

و هل المنحوس احمد حمودي هو القادر على انقاذك

شفتم لاعبي الترجي كيف يؤدون و النتيجة في مصلحتهم
الأهلي قادر على التعويض في الدقائق الباقية لكن يلعب باستراتيجية صحيحة

من غير زعل او بزعل شديد الحمد لله على كل ما حدث