اخدت عنتر طيب و ماله من امتى الصفقات نفعت الزمالك ؟

دفع الزمالك ١٥ مليون جنيه من اجل الاستحواذ على محمود عنتر لاعب الأسيوطي

و دفع قبلها ١٥ مليون جنيه من اجل ضم كابونجو كاسونجو

طيب قولتلي الزمالك في المركز الكام  ؟ الخامس

طيب قولتلي كابولكو ده جاب كام جون !!!!!

مصير عنتر زي كابولكو زي باسم مرسي زي صلاح ريكو زي كابوريا زي مهند العجان زي ايمن حفني زي الشبلي زي محمد ابراهيم زي شيكابالا زي مصطفى فتحي

اعد كمان و لا كفاية !!!!

الزمالك يدفع مئات الملايين و الحصيلة صفر

يا فاشل يا فاشل

و انتظروا عنتر في الأسيوطي من جديد بعد كام شهر او بالكثير سنتين علشان غالي شوية فنركنه حبة

و لو الأسيوطي هبط نبقى نوديه سموحه و لا المصري

شوفت كابوريا و هو بيلعب نهائي كأس مصر ضد الأهلي و بعدين شوف مستواه مع الزمالك و شوف مستواه مع الاتحاد السكندري من اول مباراة

طيب شوفت يوسف اوباما كان مكسر الدنيا ازاي مع دجله و الاتحاد طيب شفته مع الزمالك

الملخص

فيه نجاسة في الموضوع يا حاج

او الحرام ما بينفعش و لا لسه ما فهمتش

اهدى كده و اشرب من الخرارة لسه الأسوأ جاي

و الحمد لله ادارة الأهلي شربتك عنتر بخمسة عشر مليون جنيه

قولتلي يا بني فرق النقاط كام ١٦ و الأهلي متأجله ماتش  …… مش ده اللي كان عايز ياخد الدوري !!!!

الحكمة المستفادة

جبت اللاعب و اتصورت معاه طيب ما انت يا ما اتصورت ايه الجديد يعني

و اضحك على جمهورك بالصفقات فالقادم اسوأ