زكيبة فلوس او شوال رز و ما الفضيحة في ذلك ؟

زكيبة فلوس او شوال رز و ما الفضيحة في ذلك ؟

نفسي اعرف انت كزملكاوي حاشر نفسك ليه و فضيحة القرن و بتاع !!!! بعد بيان المستشار تركي ال الشيخ تركي دفع ٢٦٠مليون جنيه طيب هل دي حاجة جديدة ماحد

وليد سليمان يغيب عن مباراة الشرقية
القيعي : يا اهلا بالمنافسة الشريفة و عدالة الحكام محل سؤال
احمد فتحي في تونس رغم الاصابة

نفسي اعرف انت كزملكاوي حاشر نفسك ليه

و فضيحة القرن و بتاع !!!!

بعد بيان المستشار تركي ال الشيخ

تركي دفع ٢٦٠مليون جنيه طيب هل دي حاجة جديدة ماحدش عارفها

تركي زعلان من تصرفات ادارة الأهلي معاه طبيعي

طيب ما هو لازم يزعل علشان كان مفكر الأهلي زي اي نادي تاني يمين يمين شمال شمال و معرفش يعمل كده

عبد الله السعيد وقع للزمالك و خد.على قفاه و لسه حياخد على قفاه حتى يلاقي وجه رب كريم دور انت على شيكابالا اللي لسه شايله على راسك و بتعتبره نجم النجوم

دور على حسني عبد ربه اللي وقع للأهلي و بعدين قارن ؟

ايمن حفني مثلا

الأهلي ما بيردش ليه !!!!

و هو فيه ايه الأهلي يرد عليه

زكيبة فلوس  ( او كما وصف نفسه بشوال الرز على تويتر  ) عايز يتمنظر و يصرف و يتحكم مالاقاش الكلام ده و بالسلامة مع الف سلامة ما عندناش من ده

الراجل بيلطم على تويتر من شدة الألم بس مش اكتر

و هل تبرعات المستشار تركي كانت في السر ؟

هل دور تركي في توقيع عيد الله السعيد ماكانش معروف و واضح للجميع

هل الأهلي مكسبش ٢ مليون دولار من وراء عبد الله و هو لاعب عقده منتهي

الخيبة الحقيقية كانت لو فرض تركي او غيره رأيه على ادارة الأهلي

و لو عايز تبقى رئيس شرف النادي الأهلي يبقى تدفع و انت ساكت و لا تتدخل في الادارة

عايز تتدخل مش عندنا

تركي مول حملة الخطيب الانتخابية ؟

طيب ما الخطيب قال كل الممولين بالاسم في حواراته مع الاعلام قبل الانتخابات و ارجع لحواره مع عمرو اديب على اليوتيوب و قال ان تركي ال الشيخ و ياسين بك منصور اكبر ممولين لحملته الانتخابية

ادارة الأهلي مترددة

طيب في ايه بالظبط لا اتعاقدت مع لاعب باربعين مليون و لا حد مشى كلامه علينا

عارف مشكلتي انا في الموضوع ده ايه ان الكابتن شوبير هو اللي نشر اسم المدرب رامون دياز  بعد ما تم التسريب عن طريق حسام غالي

و دي مش اول مصيبة يتسبب فيها شوبير من ايام حسني عبد ربه اللي نشر توقيعه للأهلي برضه احمد شوبير

عارف اللي مزعلني من الخطيب و مجلس الادارة ايه شوية حاجات اللي خلت الفريق فقد ترابطه فعلا نحكي عنها بالتفصيل في المقال القادم

لكن موضوع تبرعات المستشار تركي  ما فيش فيه

اي جديد بالنسبة لي على الأقل

و كنت متوقع النهاية دي من يوم الاعلان عن رئاسته الشرفية للأهلي بهذه السرعة

اما انت يا ابن المختلط فعايزك تقعد تفكر حنعمل ايه بالربع مليار اللي خدناه مع فلوس رمضان صبحي و حجازي و عبد الله السعيد

 

 

COMMENTS

WORDPRESS: 0
DISQUS: 0